THZ 60 - RESCUE

"Master, nakita ko na ang pamilya ni Raji."

Biglang inagaw ni Rhayan ang teleskopyo mula sa kamay ni Lendon at itinuon din ang lens niyon sa kanyang mga mata. Mula sa malaking bato kung saan sila nakatayo nakikita niya sa teleskopyo niyang hawak ang isang mid thirties na babae kasama ang dalawang anak nito sa isang silid na gawa sa bato. Tantiya niyang limang taong gulang ang batang babae samantalang sampung taong gulang naman ang batang lalaki. Parehong nakagapos ang dalawang kamay at paa ng mga ito at may busal ang mga bibig. Pinagmasdan niya ang paligid at pinag-aralan kung saan sila pwedeng dumaan upang iligtas ang pamilya ni Raji. Natunton niya ang teritoryo na ito ni Gandhes, dahil kay Ciela. Nalaman niya rin mula dito na mayroon sandaan na tauhan si Gandhes na nagbabantay sa loob at labas ng mansyon nito sa Isla Fuerte kaya naman nagdala siya ng isa at kalahating daang libong tauhan upang mapagtagumpayan na makuha ang pamilya ng kanyang kaibigan.

Binalik niya ang Teleskopyo