THZS 14 - OTHER WOMAN

“Sir, nandito na ang ni-request mo.”

Sabay silang napatingin sa gawi ni Richard na kasalukuyan nakalusot ang ulo sa nakaawang na pintuan ng opisina. Katatapos lang nilang kumain at kasalukuyan ng naghahanda para sa monthly meeting ng kumpanya.

“Ang alin?” Nagtataka na tanong ni Rheniel.

“Yung dugo na ni-request n’yo po mula sa blood bank.”

Namumula ang mukha ni Brenda na tiningnan si Rheniel. Nagtatanong ang kanyang mga mata.

Saka pa lang naalala ni Rheniel ang kalokohan niya. “Ilagay mo na muna sa freezer.” utos niya kay Richard.

Waring natatakot naman ito na pumasok sa kanyang opisina. “Oh, bakit ganyan ang mukha mo?” tanong niya rito.

“Sir, wala naman kayong lahing bampira hindi ba?”

“Tangina! Ano ba ang pinagsasabi mo?” inis niyang tanong rito.

Mabilis nitong pinasok ang ilang bags ng dugo sa freezer. “Wala po sir, alis na po ako.” Kumaripas ito ng takbo palabas ng kanyang opisina.

“Ano ba kasi ang pumasok sa utak mo at nag-order ka ng dugo sa blood bank?” naiinis na tanong ni Br