TZHS 5 - THE JEALOUS CEO

Napahawak si Brenda sa kanyang dibdib habang nakatingin sa likuran ni Rheniel na unti-unting lumalayo sa kanyang paningin. Alam niyang nasaktan niya ito ng sobra. Nagdesisyon siya para sa sarili niya na hindi muna tinitimbang kung masasaktan din ba ito sa paglayo niya. Lalo na ngayon, hindi pa rin niya alam kung paano sabihin rito ang lahat ng mga nangyari sa buhay niya ng umalis siya sa tabi nito. “Kung alam mo lang Rheniel, mas pinili kong layuan ka, kaysa patuloy na madamay ang pamilya mo dahil sa pamilyang pinagmulan ko.” Hanggang ngayon, nakaabang pa rin ang tiyuhin niya-kapatid ng Daddy niya sa lahat ng mga galaw niya. Alam niyang walang panama ang kapangyarihan ng tiyuhin niya kung ikumpara sa kapangyarihan mayroon ang mga Crawford. Ngunit sapat na ang tinatawag na paghihiganti para sa mga ito. “Kapag nalaman kong bumalik ka sa pamilya Crawford, hindi kami natatakot mamatay at pumatay. Wala man kaming sapat na kapangyarihan upang lumaban sa kanila, ngunit masaya na kaming pumata