43. Grant Vs. Cyrus

[Kiara]

"Mahal?"

Napapitlag siya ng marinig ang boses ng asawa. Ngumiti siya rito ng pilit kahit na ang totoo ay binabagabag siya sa mga salitang binitiwan ni Cyrus.

"Is there any problem?" Masuyong tanong nito. "Come on, tell me."

Hinila siya ni Grant at saka pinaupo sa hita nito. Parang lumipad ang diwa niya ng maramdaman ang mabining paghalik nito sa kanyang leeg habang nakapalibot ang matipunong braso nito sa bewang niya.

Sigurado siya na pulang-pula ang mukha niya dahil sa ginagawa nito ngayon sa kanya. Wala talagang araw na hindi malambing sa kanya ang asawa niya.

"Nagustuhan mo ba ang niluto ko?" Tanong niya.

Tumango si Grant. "Yes. Masarap, kasing sarap mo."

Mahina n'yang pinalo ang kamay nito. "Sus, bolero." Kunwari ay sabi niya kahit ang totoo ay kilig na kilig siya.

Natawa si Grant. "Pero kilig na kilig ka." Pang aasar nito sa kanya.

Kagat ang labi na tinakpan niya ang mukha gamit ang kamay. Gano'n ba kahalata na sobrang kinikilig siya?

"May problema ba sa shop mo? Napan