Chapter 35

Sandra's POV

UNTI-UNTING gumagaan ang loob ko habang tinitingnan ang mukha ni Gab. Ang puso ko ay napapalagay kapag kasama ko siya. Ngunit hindi ibig sabihin nito, iniibig ko na siya.

"Gab, alam kong malaki ang utang na loob ko sa 'yo at hanggang ngayon, hindi ko pa rin alam kung paano matutumbasan ang bagay na iyon. Ngunit kung mayroon man akong magagawa upang masuklian ang kabutihan mo, gagawin ko. Handa akong gawin at ibigay sa 'yo ang nais mo." Marahan kong binaba ang aking ulo upang magpantay ang tingin namin sa isa't isa, saka sumilay ang isang mapait na ngiti sa aking labi. "Ngunit sa ngayon, hindi ko pa kayang ibigay ang puso ko," muli kong sambit.

Maingat at marahan kong nilapat ang aking palad sa kanyang pisngi at hinaplos nang kaunti ang kanyang mukha gamit ang hinlalaking daliri.

"Ang totoo, nais kong subukang umibig muli, ngunit sa tingin ko. Hindi pa tumitibok ulit ang puso kong tila namatay na," saad ko sa kanya.

"Sandy, handa akong maghintay kahit gaano pa katagal."

Hi