Chapter 41

Sandra's POV

SA PAGKAKATAONG ito, sinamahan ako ni Gab na makipagkita kay Trina. Mas mabuti na ang ganito, may kasama ako kung sakali at kung ano man ang mangyari. Sana, ito na rin ang huling pagkakataon na haharapin ko ang babaeng ito.

Hinayaan ko si Trina na siya ang mag-set ng lugar kung saan kami magkikita at napakunot ang aking noo nang malaman kung saan ang lugar na napili niya. Ngunit kahit ganoon, pumayag pa rin ako dahil kasama ko naman si Gab.

Pinagmaneho ako ni Gab at nagtungo kami sa isang tabing-dagat kung saan sinabi ni Trina.

Sa pagdating namin doon, agad ko siyang nakita na nakatayo sa dalampasigan habang nakatingin sa malayo.

"I'll come with you," saad ni Gab sa akin.

Ngumiti ako sa kanya at umiling.

"Stay here, Gab," utos ko sa kanya.

Tumango naman siya. Sinimulan kong ihakbang ang aking paa sa puting buhangin ng dagat. Ang malamig na hangin ay dumadampi sa aking buhok at sumasabay sa pagsayaw nito.

Tuloy-tuloy ang aking paglalakad patungo sa kinaroroonan ni Trina. N