Chapter 38

Trina's POV

KINUHA ko ang aking cellphone sa loob ng bulsa, saka nag-dial ng numero.

Narinig kong mag-ring ang kabilang linya at nang may sumagot dito, tumaas ang magkabilang gilid ng labi ko.

"Hello, Mico," wika ko sa taong sumagot.

***

Sandra's POV

HALOS hindi ako makapagsalita habang nakikinig sa mga bagay na sinasabi sa 'kin ni Gab. Sinalaysay niya sa 'kin ang mga bagay na nalaman niya tungkol sa nakaraan ni Trina. Dahil humingi ako ng tulong kay Gab, nagkaroon siya ng ideya na alamin ang tungkol sa babaeng iyon at labis akong nagulat sa nalaman ko.

'K-Kung ganoon, hindi talaga ako ang pakay ni Trina kung hindi si Lucas. At dahil dinadala ko ang anak ni Lucas noon, nadamay na ako sa selos at puot niya.'

Mariin akong napasuklay ng buhok at yumuko sa lamesa. Kahit ako ang makaranas ng nakaraan na iyon, hindi ko alam ang gagawin ko.

"Ito pala ang sinasabing utang ng pamilya ni Lucas sa pamilya ni Trina. Ang totoo, hindi ko rin alam ang bagay na ito. Ngayon ko lang ito narinig dahil s