Chapter 40

“Happy birthday!!” Sabay-sabay na bati namin kay Tay Dancio. Pumalakpak ang lahat at ginaya iyon ni Eve at Atlas kaya natawa ang narito sa loob ng bahay.

“Nay Rilang, baka po mapagod kayo.” Nag-aalala kong sabi sa kaniya dahil siya ang may hawak kay Eve ngayon habang nasa kay Tay Dancio naman si Atlas.

“Ayos lang Andrea. Ang totoo niyan ay natutuwa nga ako dito sa anak mo.” Pinaggigilan ni Nay Rilang si Eve at tumawa naman itong anak ko. “Kumain ka na muna. Kami na muna bahala ni Tay Dancio sa mga bata.” Ani nito.

Pumunta ako kina Sam na ngayon ay nagkikwentuhan kasama ni Shia at Gege. Kanina pa kami dito sa bahay ni Tay Dancio. Maraming mga tao dahil invited iyong mga farmers na nagtatrabaho sa Hacienda Seya.

“Oh, saan ka galing?” Tanong ni Samantha ng makabalik ako sa pwesto niya.

“Kay Nay Rilang, tinitignan ko si Eve.” Sabi ko sa kaniya. Nakipagkwintuhan ako kina Gege na panay sabi sa mga nakaraang mga nobyo niya. Natatawa kami kung anong ginawa niya sa unang boyfriend na mahilig m