Chapter 30

Malaki ang pasasalamat ni Estella na nariyan ang kanyang asawa na handang tumulong sa pagpapagamot ni Roxanne. Pagkatapos ng bagong taon ay bumalik sa probinsiya ang kapatid dahil sa magsisimula na rin ang pasukan. Sa kabila ng pagiging malayo rito ay hindi niya kinalimutan na ipaalala rito ang pangangalaga sa sarili. Sinisiguro niya na naiinom nito sa tamang oras ang mga gamot nito. Kinuha niya ang isa nilang pinsan upang mag-alaga rito. At dahil nahihiya naman siya na iasa lahat sa asawa ang gastusin sa pagpapagamot ng kapatid ay nagdesisyon siyang mag-apply bilang online English teacher. Dahil sa qualified naman siya ay agad siyang natanggap. Mabilis na lumipas ang mga araw. Naging abala sila sa pagsasaayos ng mga kakailanganin para sa unang kaarawan ni Elisha. Mas pinili nilang isagawa ang handaan dito mismo sa mansiyon. Kasalukuyang nag-i-ski