Chapter 53

TRIGGER WARNING!!

Mabilis na lumipas ang tatlong araw. Siguro dahil masaya kami at magaan ang lahat ng pangyayari sa paligid. Ang unfair nga e, bakit kapag masaya ka ang bilis ng oras? Tapos kapag malungkot ka naman, napakabagal ng oras.

Para bang ayaw ng tadhana na sumaya tayo nang matagal sa halio ay gusto nitong matagal tayong magdusa.

Bumubuti pa lalo ang kalagayan ni mama. Hindi pa nga lang siya nakakalabas ng ospital dahil ayaw siyang payagan ni Tito Rayver. Gusto kasi ni tito na kapag natanggal na ang tahi niya ay saka siya uuwi.

Sang-ayon din ako sa gano’n. Alam ko kasi na kapag umuwi na si mama ay hindi na naman siya magpapaawat sa trabaho. Kaya mabuti nang nandito siya.

Kalalabas ko lang galing ng banyo dahil nagbihis ako. Nitong nakaraang tatlong araw kasi ay palagi kaming sabay mag-dinner ni Arc tapos hinahatid niya ako sa condo. Ang pumapalit sa akin sa pagbabantay kay mama ay si Tito Rayver.

Dumating na si Tito Rayver kaya p'wede na akong umalis.

“Mama, Tito Rayver, aa