Chapter 54:

TRIGGER WARNING!!

Pagkatapos akong sapilitan na pinakain ni Leo ay iniwan niya ako ulit. Ilang oras ang hinintay ko at unti-unting lumamig ang paligid. Alam ko na kaagad na gabi na.

Hindi man lang ako dinalaw ng antok. Nakatulala lang ako sa sahig habang pinakikinggan ang maliliit na ingay sa paligid. Napaangat lang ako ng tingin nang may marinig akong naglalakad papalapit sa akin. Nakita ko kaagad si Marianne.

Iba na ang suot niyang damit. Siguro ay nakauwi na siya at bumalik na lang ulit ngayon. Walang emosyon ang mukha niya habang nakatingin sa akin. Pero ang mas nakakuha sa atensyon ko ay ang baril na hawak niya.

“Hi, Lian. Naiinip ka na ba dito?” tanong niya.

Hindi ako kumibo. Wala na nga akong sinabi pero nagalit na naman siya. Gamit ang dulo ng baril ay sinampal niya ako. Nalasahan ko kaagad ang dugo galing sa sugat ng labi ko.

“Kapag tinatanong kita, sumagot ka!”

S******p ko ang dugo ng labi ko at dinura sa paanan niya. Kanina pa ako nauubusan ng pasensya. Malakas lang naman a