185.

Halos maglabasan ang ugat ni Charlotte sa kamay, sa diin ng kanyang pagkakahawak sa kanyang cellphone, pinapakinggang ngayon ng dalaga ang pinag uusapan nina Claudine at Mr. Capil.

“Ibig mo bang sabihin ay hindi na natin hihintayin na maikasal kami? Paano namin makukuha ng anak ko ang kayamanan ni Johnson kung hindi na natin itutuloy ang plano?” Boses iyon ni Claudine.

“Tagilid ang ating sitwasyon, iha. Ako rin ay gustong maubos ang lahat ng mayro’n si Mr. Darmilton, pero hindi na natin maaring ituloy ang naunang plano. Nakarating sa akin na hindi ka gusto ng mga kapatid ni Johnson. Nasisiguro ko na magpapa-imbestiga sila. Sa oras na mangyari iyon ay hindi natin masisiguro kung magtatagumpay pa tayo. Hindi natin kayang bilhin ang katapatan ng mga tauhan nila Xerxes Helger at Kairo Han, sigurado ako na mapapahamak tayong tatlo nila Vin. Pero ngayong makukuha na natin ang ilang shares sa kanyang kumpanya… madali na lang natin mabibili ang iba pa kung mawawala na siya sa ating landas