20.

[Apol]

Kumunot ang noo niya nang makitang hindi na sila Karlo at Lito ang lumapit sa kanya para asikasuhin siya sa pagkain. May sakit siguro ang dalawa.

Di bale, pupuntahan nalang niya ang dalawa para kamustahin. “Where are you going?” Tanong ni Mr. X nang tumayo siya.

“Tapos na po akong kumain.” Magalang na sagot niya. Muli siyang napahinto nang magsalita ulit ito.

“Sit down, Apol. I’m not done eating.” Iminuwestra nito ang kamay sa upuan niya. “Go back to your seat and wait for me until I’m done.”

“Ah, eh…” Napakamot nalang siya sa ulo. Bakit biglang bawal na siyang umalis? Dati naman wala itong pakialam kahit na umalis agad siya.

“Ano pong pangalan niyo mga, kuya?” Tanong niya sa lalaking pansamantalang kapalit nila Karlo at Lito. “Parang ngayon ko lang po kayo nakita.”

Itinuro niya ang ulo ng dalawa. “Buti hindi po kayo kalbo, hehe—“ Natahimik siya nang marinig ang pagtikhim ni Mr. X.

Hindi nalang siya nagsalita. Mukhang galit ito at hindi nagustuhan ang pakikipag usap niya sa da