Chapter 32 The Vigilante

NASA upisina na si Oliver ngunit hindi pa rin nawawala sa isip niya ang naging usapan nila ni Sarge. Totoo pala ang kasabihang kahit ibinigay mo na ang iyong kanang kamay ay hihingin pa rin ng mga taong mapag-samantala ang kaliwa mong kamay.

Tulad na lang halimbawa ni Sarhento Eduwardo Rada. Lahat naman ng kaya niyang ibigay ay ibinibigay niya dito. Ngunit ngayon ay tuluyan na niyang nakita ang tunay na ugali nito. Mapag-samantalang uri at balak pa yata siyang huthutan. Kung minsan ay hindi pera ang dahilan ng pagiging kuripot ng isang tao at pag-tangging magpautang kung hindi ang kawalan ng tiwala. Halos lahat naman kasi ng mga nangungutang sa eksperinsiya niya ay matamis lang ang dila kapag nangangailangan ngunit kapag napautang na’y nagkakaroon na ng sakit ng pagkalimot o amnesia.

Gayon pa man nalungkot rin siya kahit paano sa nangyari sa kanila ni Sarhento. At nanghihinayang rin kahit paano dahil nawalan siya ng magaling na imbestigador.

Ang malalim na pag-iisip ni Oliver ay nagam