Chapter 32

Kinakabahan si Katie habang nakasunod kay Zach. Aminado siyang nasaktan niya ang lalaki sa mga sinabi niya rito kanina, at hindi niya alam kung paano ba ito kakausapin.

Pagdating nila sa parking, ipinagbukas siya nito ng pintuan. “Get in,” utos nito.

Mabilis siyang sumunod. Para siyang maamong bata sa mga sandaling iyon.

Gumilid ang lalaki at sumakay sa tabi niya. Tahimik lang itong nagmaneho paalis ng kampo. Siya naman ay nakuha na lang magmasid sa kanilang dinaraanan. Hindi niya makuhang magsalita, bukod sa kinakabahan siya. She felt suffocated and nervous. Kahit ang paghinga ay pinipigil niyang lumikha ng ingay.

Ilang minuto pa ang lumipas. Hindi na niya matiis ang nadaramang kaba. Tumikhim siya. Akmang bubuksan ang bibig, ngunit napigil iyon nang pagtunog ng cell phone nito.

Kaagad iyong sinagot ng lalaki. “Yes, baby?”

Bigla ang paglingon niya rito. Ibig sabihin may ibang babae pa ito bukod sa kaniya?

Naningkit ang kaniyang mga mata. Kung nakamamatay lang ang tingin, kanina