Chapter 33

“Zach! Anong ginagawa mo rito?” Hindi man niya gustong makita muna ang lalaki, pero nagpapasalamat pa rin siya na dumating ito. Umupo siya mula sa pagkakalugmok. Napangiwi pa siya nang kumirot ang sugat na natamo.

Tiningnan ni Zach ang baboy ramong nasa lupa, pagkuwa’y lumipad ang mga mata nito sa kaniya. Mabilis siyang inalalayan nito patayo.

“F*ck! May sugat ka!” bulalas nito. Kaagad nitong kinuha sa loob ng bag ang maliit na tela at inikot iyon sa braso niya. Medyo malaki ang hiwa ng sugat kaya kailangan itong hugasan. “Let’s go! Bago pa magising iyan,” muling wika ng binata.

Inayos niya ang mga nagkalat na gamit at saka tahimik na sumunod sa lalaki. Nakasalubong nila ang mga kalalakihan na parang may hinahanap. Kinausap ito ni Zach.

“Pasensiya na, Sir, nakawala lang sila. Secured naman po lugar na ito,” narinig niyang wika ng isang lalaki.

Binuhat ng mga ito ang mabangis na hayop at umalis na. Lumingon ang ninata sa kaniya. “Next time, huwag kang aalis na walang kasama at hin