Chapter 5

Five

ANG kanyang paningin ay medyo nanlalabo na dahil sa matinding pagkahilo dahil sa alak na ininom niya sa bar. Kaninang bago siya umalis doon ay hindi pa naman ganun ang pakiramdam niya.

Ni wala nga siyang nararamdaman na hilo kanina kaya nagtataka siya kung bakit ganun na lamang katindi ang hilo niya ng mga oras na iyon. 

Pilit niyang tinitingnan ang kanyang suot na relo upang tingnan kung anong oras na nga ba, ngunit kahit anong pilit niyang tingnan ay hindi na niya makita pa iyon ng malinawag dahil malabo na nga ang kanyang paningin nang mga oras na iyon.

Habang nakahawak ang isa niyang kamay sa manibela ay napahawak naman ang isa sa kanyang sentido upang hilutin ito upang maibsan man lang sana ang pagkahilong nararamdaman niya sa mga oras na iyon.

Hindi niya mapigilan ang sariling hindi mapamura dahil sa nararamdaman niya. Hindi siya ganun kadaling malasing at alam niya iyon sa sarili niya kaya nasisiguro niya na may sumabutahe sa ininom niya kanina.

Sa isip isip niya ay malamang na ang babaeng umupo sa tabi niya ang gumawa nito dahil sa kadesperadahan na makuha siya nito. Sa malamang ay isa lang itong babaeng gold digger na naghahanap ng isang lalaking mahuhuthutan pagkatapos nilang magniig.

Hindi niya namalayan na naipikit niya pala ang kanyang mga mata habang nagmamaneho siya, ramdam na ramdam niya ang pagkirot ng kanyang ulo nang mga oras na iyon at bago siya magmulat ng kanyang mga mata ay napamura na naman siya.

Pagmulat na pagmulat ng kanyang mga mata ay tinapakan niya agad ang kanyang preno dahil kahit nanlalabo ang kanyang paningin dahil sa sobrang pagkahilo ay kitang - kita niya ang isang babae na bigla bigla na lamang tumawid at hindi na rin siya nito napansin pa.

Ilang beses siyang bumusina ngunit naging huli na ang lahat. Sobrang diin ang tapak niya sa kanyang preno upang hindi niya mabangga ang babaeng nasa gitna ng daan na napatigil din sa paglalakad dahil sa sobrang pagkagulat. Hindi na rin ito gumalaw pa pagkakakita sa kanyang sasakyan na sasalpukin siya.

Hindi niya tuloy matukoy kung sadya ba itong tumawid upang magpakamatay na. Hanggang sa naramdaman na lamang niya ang pagkauntog niya sa steering wheel ng kanyang kotse at narinig niya ang malakas na pagkalabog mula sa kanyang harapan at ang pagkabasag ng salamin.

Nahihilo siya ng mga oras na iyon. Hindi pa rin nawawala ang kanyang pagkahilo, idagdag pa ang pagkakauntog ng kanyang ulo sa manibela ng sasakyan. Iniangat niya ang kanyang ulo, basag na harapan ng kanyang sasakyan ang bumungad sa kanyang nanlalabong mga mata at ang usok na nagmumula din sa kanyang makina.

Dahan - dahan siyang gumalaw upang sumandal sa sandalan ng kanyang inuupuan at pinapakiramdaman ang kanyang sarili kung may iba pa bang napinsala sa kanya, wala naman siya maramdaman kundi tanging pagkahilo lamang kaya hindi na siya nagdalawang isip pa na lumabas upang tingnan ang babaeng nasa harapan niya kanina.

Dahan - dahan siyang bumaba mula sa kanyang sasakyan at dahan - dahan din ang mga naging paggalaw niya dahil nga nahihilo pa rin siya ng mga oras na iyon.

Agad siyang nagpunta sa harap ng kanyang sasakyan at doon niya nakita ang nakahandusay na katawan ng babae.

"Shit!" He cursed under his breath, at pagkatapos ay mabilis na umupo upang tingnan kung may pulso pa ito. Napamura na naman siya ng makita ang pag - agos ng dugo mula sa ulo nito.

Napahinga siya ng maluwag nang maramdaman pa ang pulso nito. Mabilis niya ito binuhat upang ipasok sa kanyang sasakyan. 

Pagkababa niya rito ay mabilis siyang pumunta sa upuan niya upang itakbo ito sa ospital. Hindi naman ganun katigas ang puso niya para hayaan na lamang ito doon na maubusan ng dugo kahit pa kasalanan din naman nito kung bakit niya ito nabunggo. 

Napahigpit ang kapit niya sa kanyang manibela. Ang kaninang pagkahilong nararamdaman niya ay tila nabawasan nang makita niya ang dugo na dumadaloy mula sa ulo nito.

Wala na itong malay ng mga oras na iyon at hindi niya na naman mapigilan ang sariling mapamura habang tinitigan ang babaeng nakahiga sa likod ng kanyang sasakyan. 

Napakarami niya pang problema at ngayon ay dumagdag pa ito sa mga problema niya. Hindi pa nga niya nareresolba ang problema niya sa last will and testament na iniwan ng kanyang Ama ay meron na naman siyang bagong problema.