CHAPTER 128

“Boom! Ganoon kalakas ang impact!” Paglalarawan ni Maura habang nagkukuwento kung paano dapat gumawa ng malakas na pagsabog ang isang car accident. “Kasama dapat ang kotse sa pagsabog para tapos ang laban.”

Parang sumakit lalo ang ulo ni Jayson sa plano ng asawa. Natitiyak niyang pagsisimulan iyon ng mas malaking gulo sa pagitan nila.

“Jayson, what can you say if I leave everything to you? Will that make you happy?”

“Anong ibig mong sabihin?”

“Tulad ng nasa isip mo.”

“Ipinauubaya mo na ba ang lahat sa grupo namin?”

“Oo, basta’t titigilan na ninyo ang pamilya ni Victor. Matanda na ako. May asawa na si Victoria. Mag-aasawa na rin si Victor at parehong naman nilang ayaw hawakan ang negosyo ng Richman’s Club. Nabuno ko na ang mahabang panahon sa ganitong klase ng negosyo. Ano pa ba ang gagawin ko? Baka panahon na para mamasyal na lang kami ni Sharon sa iba’t ibang panig ng mundo. Ano sa tingin mo?”

“Magandang balita iyan kung ganoon.” Ibinaba na ni Max ang linya. Masayang lumapit sa