CHAPTER 12-EXPERIMENT

"S-sige." Hindi alam ni Roxanne kung anong nangyayari sa sarili dahil hindi niya magawang tanggihan ang lalaki.

Hinawakan naman ni Devon ang payong sa kabilang kamay at dumikit sa babae para hindi mabasa sa ulan. "Gusto mo bang magkalagnat?"

Kumalabog ang puso ni Roxanne dahil sa sobrang lapit ng kanilang katawan at parang kinukuryente siya dahil dito.

Pagpasok nila sa building ay kinuha na ni Roxanne ang kanyang mga groceries, "Salamat talaga Devon pero kaya ko na ito."

"Magkano ba ang renta mo dito?" Biglang tanong ni Devon at naguguluhan si Roxanne kung bakit ang dami nitong tanong.

"Devon, okay na ako. Hindi mo na kailangan alamin ang lahat." Seryosong sabi ni Roxanne.

Hindi na rin napigilan ni Devon na malaman kung anong nangyari sa kanilang dalawa ni Jameson, "Narinig ko kayo noong gabing iyon, at totoo bang nagloloko ang asawa mo?"

Napapikit si Roxanne dahil napapagod siyang magpaliwanag at ayaw niyang may nakikisaling ibang tao.

"Wala ka ng pakialam sa kung anong probl