Chapter 47

Mavi Pov

Pagmulat ko ng aking mga mata ay nasa loob na ako ng hospital at nakahiga sa hospital bed. Nasa tagiliran ko si Alpha Magnus at nakahawak sa isa kong kamay habang nakapikit ang mga mata. Mukhang nakatulog na ito sa pagbabantay sa akin.

"Alpha Magnus," mahina ang boses na tawag ko sa kanya. Bahagya kong inalog ang kamay kong hawak niya.

Agad namang nagising si Alpha Magnus at hinigpitan ang pagkakahawak sa kamay ko.

"How are you, Mavi? Are you okay now? What happened? Nadulas ka ba sa swimming pool nang malasing ka kaya ka nahulog sa tubig?" magkakasunod na tanong niya sa akin. "Alam mo ba kung nahuli pa ako ng ilang minuto ay tiyak na patay ka na ngayon?" Bakas ang matinding pag-aalala sa kanyang mukha. Biglang naging gentle ang kanyang boses kaya medyo nailang ako. Mas sanay kasi ako na matigas ang kanyang tono kapag kinakausap niya ako.

"Masakit ang lalamunan ko," reklamo ko sa kanya. Bahagyang namamalat din ang aking boses. Siguro dahil nakainom ako ng maraming tubig.

"Al