Chapter 48

Mavi Pov

Pagkatapos kong magtimpla ng kape ay lumabas ako at dinala ang cup ko. Balak kong higupin ang tinimpla kong kape sa tabi ng swimming pool. It's been a week since that incident happened at ngayon lang ako nagkalakas ng loob na magtungo ulit sa swimming pool area. Kahit kasi isang Linggo na ang nakalipas nang mangyari ang muntik ko nang pagkalunod ay sariwa pa rin sa aking alaala ang lahat. Ngunit ayokong mangibabaw sa puso ko ang takot dahil baka hindi na ulit ako lumapit sa swimming pool at maligo. Gustong-gusto pa naman ni Moses ang magbabad sa swimming pool.

Pagdating ko sa swimming pool ay nakita ko si Sonia na tila nagi-enjoyna maligong mag-isa sa tubig. Ngumiti siya sa akin nang makita niya ako.

"Good morning, Mavi. Come and join me. Malamig ang tubig," pang-eenganyo niya sa akin. Ewan kung napa-praning lamang ako ngunit ang dinig ko sa tono ng kanyang boses ay tila may halong pang-iinis.

"No, thanks. Kakagising ko lamang at nagkakape pa lamang ako," mabilis kong sagot