Chapter 54

Mavi Pov

Dumating si Alpha Magnus eksaktong tapos ng sumabog ang kotse ko. Nang makita naman ng mga taong bumabaril sa amin na parating ang kotse ni Alpha Magnus kasama ang mga tauhan niya ay mabilis silang tumakas. Hindi na nila pinagkaabalahan pang alamin kung buhay pa ba kami o patay na.

"Mavi! Mavi!" Narinig ko ang malakas na sigaw ni Alpha Magnus, puno iyon ng pag-aalala.

Dahan-dahan akong bumangon mula sa pagkakadapa sa lupa. "Alpha Magnus," mahinang sambit ko sa pangalan niya.

Nagmamadaling nilapitan niya ako at niyakap ng mahigpit. "Oh, God! You're safe."

Halos hindi na ako makahinga sa sobrang higpit ng pagkakayakap niya sa akin ngunit ayoko pa ring kumalas mula sa kanya. Gusto ko ang pakiramdam na safe ako habang nasa loob ako ng kanyang mga bisig.

Takot na takot ako. Akala ko ay hindi ko na makikita pa ang mga mahal ko sa buhay. Sino ba kasi ang taong nagpapapatay sa akin? Ano ba ang matinding kasalanan ang nagawa ko to the extent of killing me?

"We are sorry, Alpha Magnus