Chapter 59

Mavi Pov

Nang pagbalikan ako ng aking malay ay nasa loob na ako ng bahay ni Lotlot at nakahiga sa kama. Nakita kong nakaupo sa paanan ko ang kaibigan ko at ang boyfriend niya. Agad akong bumangon sa pagkakahiga at yumakap kay Lotlot habang umiiyak. Ang sakit-sakit ng dibdib ko. Sobrang bigat at para bang sasabog ito kung hindi ko ilalabas sa pamamagitan ng pag-iyak.

Wala akong salita na narinig mula kay Lotlot at Alex habang umiiyak ako. Tahimik lamang silang dinadayan ako habang marahang hinahaplos ng kaibigan ko ang aking likuran.

Nang humupa na ang nararamdaman ko ay saka pa lamang ako kumalas mula sa pagkakayakap ko sa kaibigan ko.

"Sinabi na sa amin ni Sonia kung ano ang napag-usapan niyo at ng dalawang elders ng pack ni Alpha Magnus. Okay lang kahit na hindi ka na maaalala ni Alpha Magnus basta ang mahalaga ay buhay siya. Magpakilala ka na lang ulit sa kanya at gumawa ka ng paraan para mapalapit sa kanya. Who knows ma-in love ulit siya sa'yo kahit na bago ka pa lang niya nakiki