Chapter 60

Mavi Pov

"Wala na ba tayong kailangan pang bilhin? Nabili na ba natin ang mga kulang sa bahay?" tanong ko kay Moses habang tinutulak ko ang push cart na naglalaman ng mga pinamili namin sa grocery. Nasa loob kami ngayon ng hyper market sa loob ng isang mall at namimili ng mga stocks para sa kusina.

"Yes, Mom. Nandito na lahat ng mga kailangan natin sa bahay," sagot ni Moses, katulad ko ay nagtutulak din siya sa push cart namin na maraming laman na grocery items.

"Ikaw? Wala ka bang gustong bilhin na gusto mo?" tanong ko sa kanya.

Umiling si Moses. Habang itinutulak namin ang push cart papunta sa pilahan ng mga nagbabayad ay biglang napahinto si Moses.

"Daddy!!!"

Napahinto rin ako sa paglalakad at parang nanigas ang buo kong katawan nang marinig ko ang sinabi ng anak ko. Tiningnan ko kung saan nakatingin si Moses. At halos tumalon palabas ang aking puso nang makita ko si Alpha Magnus na nakatayo malapit sa amin. Nakatingin siya kay Moses habang nakakunot ang noo. Bago ko pa mahulaan