Chapter 52

Mavi Pov

Pagbukas ko ng pintuan ay madilim at tila walang katao-tao sa silid kaya nagdalawang-isip ako kung tutuloy ba ako sa pagpasok sa silid o hindi. Biglang pumasok sa isip ko na baka nagkamali ang waitress at sa ibang silid niya ako dinala. Sa huli ay napagpasyahan ko na huwag nang tumuloy sa loob. Nakakatakot kasi madilim.

Akmang isasara ko na ang pintuan nang biglang may nagsindi ng kandila. Nang sa wakas ay nagkaroon ng liwanag sa loob ng silid ay nakita ko si Alpha Magnus na nakaupo sa mesa na pangdalawahan. Sa harapan niya ay may dalawang plato, dalawang wine glass, at kandila na siyang nagsisilbing liwanag sa madilim na kuwarto.

Kahit napaka-guwapo ni Alpha Magnus sa kanyang suot na tuxedo ay hindi pa rin sa kanya napatutok ang aking mga mata kundi sa isang pirasong bulaklak ng tulips na nakapatong sa ibabaw ng mesa at katabi ng malaking kandila. Kulay puti ang tulip at mukhang fresh na fresh pa.

Paborito ko na ang tulips simula pa noong bata ako. Naku-kyutan kasi ako sa po