Chapter Fifty Seven

SA kabadtripan niya ay tuluyan siyang naglakad palayo, agad niyang tinumbok ang pinakamalapit na restau-bar. Maaga pa para mag-inom pero iyon lamang ang paraan niya para maitaboy kahit paano ang pag-iisip niya kay Beatrice na patuloy na ginugulo ang buong sistema niya!

"Damn it! pinakawalan na kita pero bakit patuloy pa rin akong naapektuhan sa'yo!" gigil niyang sabi. Pigil na pigil niya ang sariling basagin ang hawak-hawak na bote ng beer.

Hanggang sa mapansin niya ang pag-upo ni Seth sa upuan na sakop ng lamesa na inuukopahan niya.

"Bakit ka narito, ang mabuti pa'y bumalik ka na roon s-sa— k-kay Bea!" Taboy niya wala siyang mood pakiharapan ito.

"Aragon takang-taka lang ako,kung bakit ipinagtatabuyan mo siya sa akin kung may nararamdaman ka naman pala sa kanya," diretsang sabi ni Seth.

"Pinagsasabi mo..." pag-iwas ni Rudny sa topic na binuksan nito. Ipinagpatuloy niya ang pag-inom sa nilalagok na beer ng mga sandaling iyon.

Wala siyang pakialam kung manuod ito sa pag-inom niya. May