CHAPTER 33: MEETING MRS. HASTINGS

“SOPHIE, puwede mo ba akong samahan sa mall sa Sunday? May dress kasi akong gustung-gusto kong bilhin since last month pa, kaya lang si Mommy gustong parati akong nakikitang nag-aaral kahit na hindi ko naman maiintindihan ang pinag-aaralan ko.” Naka-pout na sabi ni Sabrina habang naglalakad kami papunta sa school cafeteria.

“Hindi ako sure, e. Sasabihin ko muna kay Vincent.”

Nang-aasar naman siyang tumingin sa akin. “Ang hirap magkaroon ng asawa, ano? Kailangan mong sabihin sa kanya kung anong gusto mong gawin at saan ka pupunta.”

“Hindi naman ito dahil asawa ko siya, ito kasi ang napagkasunduan naming dalawa nang kunin niya ako mula kina Daddy.”

“Ah, naiintindihan ko na.”

“Speaking of Daddy, kumusta na kaya siya ngayon?”

“Well, for sure nagpapakasaya na sila ngayon dahil wala na silang utang kay Vincent na kailangan nilang bayaran.”

Napayuko ako.

Siguro nga ay tama si Sabrina. Ipinangako sa akin ni Daddy noon na babawiin niya ako mula kay Vincent, pero tingin ko naman ay wala na siya