Chapter 18

ALAS-TRES na ng hapon natapos ang meeting ni Federico sa mga kaibigan nito. Nakapag-serve pa si Monica ng meryenda sa mga ito. Nakatulog na si Kenji kaya inilipat niya ito sa kuwarto.

Nang makaalis ang mga bisita ay saka lang nagmeryenda si Monica. Nakaupo rin siya nang maayos sa sofa sa may sala.

“Take a rest, Monica,” sabi ni Federico. Kapapasok lang nito mula sa paghatid ng mga kaibigan sa labas.

“Oo, kakain muna ako. Nakaligpit na ako sa kusina,” aniya. Nagbukas siya ng telebisyon.

“Matutulog ako. Katukin mo ako sa kuwarto mamaya kung hindi pa ako makalabas ng hapon. Mga alas-singko, okay na ‘yon.”

“Sige.” Sinundan lang niya ng tingin ang binata na umakyat ng hagdanan.

Napansin na naman niya ang kakaibang aura ni Federico, tila ba may malalim itong inisip.

Mayamaya ay kumislot siya nang tumunog ang kaniyang cellphone na nasa mesita. May pumasok na mensahe rito mula kay Boggy. Dagli niya itong binasa nang taimtim.

Boggy: “Remove all the devices you put anywhere at Federico’