SPIN-OFF2 4

Chapter • Four

Nagtatalo ang puso at isip ko habang nakatingin sa pinto ng sasakyan ko. That guy is really getting into my nerves and he's scaring the shit out of me. Gusto ko siyang puntahan at pagsabihan pero ginagapangan ako ng takot.

Marahas akong napabuga ng malalim na hininga. Isang mahinang mura ang lumabas sa bibig ko kasabay ng tuluyan kong pagbukas sa pinto ng aking kotse.

Bago ko pa man maibwelta ang sasakyan ay nakita ko pa ang paglabas ni Noreen ng restobar. Nakakunot ang noo niya nang makita akong papaalis. Nang tawagin niya ako ay sinenyasan ko na lang siya. Alam kong pipigilan niya akong puntahan si Jace pero hindi ko kayang palampasin ang gulong ginawa niya. Baka mamaya maubusan pa kami ng customer dahil sa ugali niya.