Chapter 71: Plan & Repentance

PENHAWK APARTMENT,

Hahang kumakain ang magkapatid na Gretta at Astolfo ay biglang nag-ring ang cellphone ni Gretta dahilan para maibaling niya ang kanyang pansin dito at mapataas ang kanyang kilay.

“Bakit, Gretta? May problema ba?” tanong ni Astolfo nang mapansin ang pagbabago sa reaksyon ng mukha nito.

“Mukhang may magandang balitang dumating,” saad nito na may ngisi sa kanyang labi.

Nanahimik si Astolfo at agad na sinagot ni Gretta ang tawag ng taong pinamanman niya sa asawa ng kanyang apo na si Stefan

“Anong balita?” bungad niyang tanong sa taong nasa kabilang linya ng telepono.

“Ma’am, naaksidente ang asawa ni Mr. Salvatore. Nasa ospital ito kasama ang isang lalaki na nagngangalang Iñigo,” pag-uulat ng lalaking nasa kabilang linya.

Gumuhit ang ngiti sa mga labi ni Gretta sa kanyang narinig. “Is that so?” maikling tugon nito. “Kumusta lagay niya? Ang bata? Patay na ba?”

“Hindi pa po sila patay, Ma’am pero nasa kritikal ang kanilang kalagayan” sagot ng lalaki. “Napag-alaman ko rin p