Kabanata 1166

Sa takipsilim, naglakad sina Zuko at Lina nang magkahawak-kamay sa beach at nasinagan ng gintong liwanag ng paglubog ng araw. Lumipad ang mga seagull sa langit at isang banayad na hangin ang dumaan na nakagawa ng mamasa-masa ngunit preskong ere.

Nag-iwan ang mga hakbang nila ng dalawang hilera ng mga bakas sa mabuhanging pampang.

Paminsan-minsang lumingon si Zuko nang may ngiti sa mukha niya. Naalala niya ang mga panahong hawak niya ang kamay ni Pammy habang naglaro sila sa dagat sa kabataan nila. Gumigiwang ang mga bakas ng paa ni Pammy noon dahil kamakailan lang siya natutong maglakad.

“Madalas akong pumunta sa beach na'to noong nawawala ka,” sabi niya. Malalim ang boses niya nang may bakas ng kalungkutan. “Sabi nila namatay ka sa aksidente sa dagat, pero hindi ako naniwala. Ang akala ko… naging isa kang mermaid princess.”

Nabigla si Lina sabay lumingon siya sa kanya. Kahit na nakangiti siya, may bakas ng kalungkutang nanatili sa mga mata niya. Sa bawat isang beses na niyakap n