Kabanata 19

"Ang sales department ang isa sa pinakamahalagang department sa kumpanya." Sinadya ni Karine na insultuhin siya sa meeting. "Kung may mga tao na sadyang walang talento sa pagbebenta, mas mabuting bitawan na nila ang posisyon nila at ibigay ang pagkakataong ito sa mas mahuhusay na tao!

"Hindi isang retirement home ang kumpanya natin. Alam niyong lahat 'yan. Dapat mag-isip nang umalis ang mga taong hindi pa nakapag-close ng kahit isang deal at umaasa lang sw basic salary!"

Niyuko ni Cordelia ang kanyang ulo. Buong maghapong nakakunot ang kanyang mga kilay.

Noong umuwi siya pagkatapos ng nakakapagod na araw sa trabaho, sinalubong siya ni Marcus ng parang isang boss, na nakahawak sa kanyang phone habang nakaupo sa sofa, pagpasok niya sa bahay. Walang laman ang kusina, at wala man lang kahit isang basong tubig sa mesa.

Sa wakas ay kumawala na ang lahat ng sama ng loob na naipon ni Cordelia sa maghapon.

"Hin… Hindi ka nagluto ng hapunan?"

Inalis ni Marcus ang tingin niya sa kanyan