Kabanata 31

Nagulat si Cordelia. Naguluhan siya, at tumingin siya kay Annie.

Bumuntong-hininga si Annie at bumulong siya sa tapat ng tainga ni Cordelia, “Ikukwento ko na lang sa’yo. Kalat na sa buong opisina ang balita, sinasabi nila na kinasal ka daw sa isang sanggano na galing sa bilangguan…

“Sinabi rin nila na yung asawa mo ang bumugbog kay Jesse kahapon! Detalyado ang mga kwento nila, sinabi nila na madalas makulong ang asawa mo dahil sa pakikipag-away. Ilang taon daw siyang nakulong at kalalabas lang niya sa kulungan.”

Hindi alam ni Cordelia kung matatawa ba siya o iiyak. Nanahimik siya sandali.

Nagulat si Annie noong nakita niya na nananahimik si Cordelia. "Kasal ka na talaga, Cordelia? Totoo ba yung mga sinabi nila tungkol sa asawa mo?"

"Oo, kasal na ako." Hindi nagsinungaling si Cordelia. "Tsaka, totoong nakulong na siya dati."

Napaatras si Annie noong narinig niya iyon, hindi siya makapaniwala sa mga sinabi ni Cordelia.

"Pero tinatrato niya ako ng maayos." Mahina ang boses ni Co