Chapter 31- Ligaya

"Nay, hindi pa raw ba siya aalis?" Pasimpleng katanungan ni Rosette nang pinili na niyang bumangon para mag-asikaso sa pagpasok sa trabaho. Ayaw niya kasing kausapin si Fifth dahil sa pambabalewala nito sa nararamdaman niya kagabi.

Sandaling napabuntong hininga ang ina habang hinahanda at inaayos ang mga panindang tsinelas. "Ayaw niya raw umalis hangga't hindi mo raw kinakain ang binili niyang pandesal para sa'yo, e." Habang nakikinig siya sa sinabi ng ina ay hindi naman niya alintana ang pagtunog ng kaniyang gitara na ngayo'y gamit ni Fifth.

Doo'y bumungad ang isang awitin ng Eraserheads na, "Ligaya," at sadyang mabilis na nakapagpabago ng kaniyang emosyon. At habang kumakanta si Fifth ay hindi niya akalain na nahihipnotismo siya ng tinig nito.

"Ligaya.. at asahang iibigin ka.. sa tanghali, sa gabi at umaga.." Aaminin niyang hindi niya maiwasang makaramdam ng kilig ng mga oras na iyon at aaminin niya rin na mas nakakag'wapo kay Fifth kapag kumakanta ito. Nakakainis lang dahil hindi ni