KABANATA IX

~*~

MALABO pa ang lahat nangyari sa isipan ni Elise matapos ang nangyari sa birthday party ni Sherry. Ang huling naalala niya ay ang pagbaba niya ng taxi pauwi sa kanilang dorm. Pagkatapos noon ay wala na. Ang sabi ni Agatha, natagpuan na lang daw siya nito sa harap ng kanilang dorm -lasing at parang wala sa sarili.

Parang katulad noong natagpuan siyang walang malay sa isla.

Pakiramdam niya ay parang may kung anong nakaharang sa kanyang isipan at pinipigilan siyang alalahin ang lahat. Madaling isipan na dahil iyon sa kalasingan niya iyon ngunit sa loob loob niya ay ramdam niyang may misteryong pilit na itinatago sa kanya. Napabiling siya sa kinahihigaan. Sabado at wala silang pasok kaya naman kahit na mag-aalas nuwebe na ay wala pa rin silang balak ni Agatha na bumangon sa kani-kanilang kama.

“ Alam mo dapat talaga sinamahan kita sa birthday party ng bruhang si Sherry e. Kung andon ako siguradong, iningudngud ko na ang mukha niya sa dancefloor.”

“ Okay lang. Hindi mo naman kasal