7

Amira's Point Of View

"Anong gagawin mo sa sahod mo, Amira? Grabe! Ang laki ng dagdag ng sahod natin!" Ani Maribel na kung saan ay ka-trabaho ko.

"Pambayad ng bills sa bahay tapos pang gastos 'yong iba. Oo nga eh, ang bait ng bagong namamahala ng kompanya," nakangiting wika ko.

Ang bait siguro ng bago naming Boss kaya ganito kalaki ang ibinigay niyang sahod sa amin. Hindi ko maiwasang huwag humanga sa kaniya dahil sa taglay niyang kabaitan kahit hindi ko pa siya nakikita o 'di kaya'y nakakausap.

"Ay! So, hindi ka makakasama sa amin mamaya?" Kunot noong tanong ni Maribel.

"Kapag may gastos ang pupuntahan niyo ay baka hindi ako makasama. Ang dami ko pa kasing kailangang bayaran ngayon," pilit na nakangiting turan ko.

Totoo 'yon. Baka nga hindi ko mabilihan si Nala ng paborito niyang pagkain dahil halos sakto lang itong nakuha kong pera para sa mga bayarin ko. Maintindihin naman na bata si Nala kaya may kumpyansa ako sa kaniya na maiintindihan niya ang sitwasyon namin ngayon.

"Naku,