Chapter 30

"BAKIT iniwan mo pa nang buhay ang lalaking iyon?" tanong ng kamiyembro ni Henry sa kaniya habang naglalakad na sila papasok sa gubat ng Montgomery. Si Clyde ang tinutukoy nito.

"Isang malaking pribiliheyo para sa lalaking iyon ang kamatayan. Bakit ko iyon ibibigay sa kaniya?" Nakangising tugon ni Marcus. "Hayaan natin siyang magdusa habang-buhay."

"Eh, paano sina Calista at Marcus? Hindi na ba natin sila hahanapin?"

Sa ilang araw na pagmanman ni Henry kay Clyde ay napagtanto niya na nakaalis na si Calista dahil hindi niya naramdaman ang presensya nito. Ni hindi nga rin ito nagpakita kahit noong burol ng mga magulang ni Clyde. Naisip din ni Henry na marahil ay nagtatago na ngayon ito kasama si Marcus pagkatapos ng mga nangyari. Sigurado siyang malaki ang naging epekto sa mga ito sa ginawa nila sa mga mahal nito sa buhay. Bukod do'n ay hindi naman sapat ang lakas ng mga ito para labanan sila kaya hindi na siya mag-aaksaya pa ng panahon sa mga ito.

"It's just a waste of time kung hahanap