Kabanata 12.2

Hindi alam ni Scarlett kung anong problema ni Zion o kung anong pinagdadaanan nito sa buhay. Kung may maitutulong man siya kay Zion iyun ay ang manatili siya sa tabi niya at samahan ito. Hinayaan na lang ni Scarlett si Zion na nakahilig sa balikat niya dahil paniguradong pagod pa ito mula sa byahe niya.

“Kararating mo lang ba?” tanong ni Scarlett.

“Hmmm, dumiretso na ako sa hotel na tinutuluyan niyo.” Pagod na sagot ni Zion. Nakapikit ang mga mata niya habang nakasandal kay Scarlett.

“Nagpahinga ka na lang muna sana. Kaya ko namang alagaan ang sarili ko rito, you should take care of your health too Zion. Huwag mong abusuhin ang katawan mo.” ilang taon din na naging mag-isa si Zion, walang kasama, walang makausap, walang mapagsandalan sa tuwing napapagod at nanghihina na rin siya.

Gusto niya na lang muna magpahinga sa mga bisig ni Scarlett. Hindi sumagot si Zion kay Scarlett kaya napapaisip si Scarlett kung may nangyari ba sa pagpunta ni Zion sa America. Buwan-buwan ay bumabalik siya n