Kabanata 13.1

Nasa hapag kainan na lahat ng mga kasama ni Scarlett pero palinga-linga si Layla dahil kanina pa niya hindi napapansin si Scarlett. Mukhang nag-enjoy na sa pamamasyal niya. Napangisi na lang si Layla nang makita niyang paparating na si Harry. Paniguradong magagalit na naman siya dahil wala pa si Scarlett.

Si Scarlett na lang ang wala sa kanila.

Naupo na si Harry at nagsimula na rin silang kumain.

“Excuse me, Direk. Wala pa rin si Scarlett.” Agaw atensyong saad ni Layla. Tahimik lang naman ang iba niyang mga kasama. Kanina pa rin nila napapansin na wala pa si Scarlett pero hindi nila yun pinansin.

“Do I need to wait for her before I eat? This is your rest day Layla at wala akong pakialam kung saan kayo pupunta, kung saan kayo matutulog o kung saan kayo kakain. The important is makakarating kayo on time for our taping tomorrow.” Sagot ni Harry. Tila napahiya naman si Layla.

“Nagpaalam sa akin si Scarlett na hindi siya makakabalik ngayon dito sa hotel kaya bukas na natin siya makikita.”