Kabanata 31

Nanlaki ang mga mata ko. Umawang pa ang labi ko dahil sa gulat, pero hindi ko naman magawang lumingon kaagad. Napatitig na lamang ako kay Aling Taning na hindi na rin maalis ang tingin sa lalaki na nasa likuran ko.

Pero kalaunan, matapos ma-absurb ng utak ko ang tanong na narinig ko ay hindi ko na maawat ang pagyugyog ng balikat dahil sa pigil na pagtawa.

Ano ba itong nangyayari sa buhay ko ngayon? Nakakahilo. Makabuang. Nagulo ko na lang ng buhok ko.

Dahan-dahan akong gumalaw, at hinarap ang lalaking nag-alok ng kasal habang nakatalikod ako. Isa din siyang may saltik. Mag-propose man lang, hindi pa ako hinarap. Nanggugulat pa talaga. Peste din.

"Pakasal?" tawang-tawa kong tanong. "Seryoso? Pakasal tayo?" tanong ko, sabay pahid sa luhang namuo sa mga mata ko dahil sa pigil na pagtawa.

"Oo, pakasal tayo. Handa akong maging ama ni Widmark, Gwin—"

"Sshh... tumahimik ka, Opaw."

Si Opaw nga ang naglakas loob na mag-propose. Sabi na, may iba talaga sa kinikilos niya. Nawawala na siya sa