Kabanata 33

Napanganga na lamang ako habang sinusundan ng tingin ang papalayong kotse ni Fred.

"Ano ba 'tong Anak ko, ngayon pa talagang may tama ako, gumawa ng kalokohan." Lalo tuloy sumakit ang ulo ko.

"Pumasok ka na nga muna sa loob, Gwin. Magpahinga ka. Magpawala ng tama. Samahan kita mamaya sa hotel ni Fred, sunduin natin si Widmark," alo sa akin ni Opaw, may pahaplos pa sa likod ko.

Matamlay akong tumingin sa kanya. Mabuti na lang talaga at kasama ko 'to si Opaw, kahit paano nababawasan ang inis ko.

"Tara na—"

"Opaw!"

Ramdam ko ang pag-igtad ni Opaw nang marinig ang boses na 'yon. Boses ng Mama niya. Sa sobrang gulat nga ay naputol ang pagsasalita at mabagal na humarap sa pinanggalingan ng boses.

"Ma..." tugon niya, sabay kamot sa ulo.

Bumitiw na rin siya sa paghawak sa baywang ko. Takot sa Mama ang binatang si Opaw.

"Iya (Tiya) Soling, hello po," bati ko sa Ginang. May kasamang ngising aso at may pa kaway pa.

"Dagway baya nimo (hitsura mo,) Gwin. Anong nangyari sa'yo at naglasing k