Kabanata 41

(GWIN POV)

"Ay ambot (ay ewan!) Sakit kayo sa ulo," singhal ko dahil sa dismaya. Walang katapusang problema na lang talaga ang napapala ko.

Nagulo ko na lamang ang buhok ko at napasabunot pa, saka ko naman sinamaan ng tingin ang dalawang lalaki na walang ginawa, kung hindi ang magdala ng problema sa buhay ko.

Padagbog akong pumanhik sa ikalawang palapag. Hindi na ako nag-abala na sagutin pa ang kalokohang tanong ni Fred. Halata na naman na nang-iinis lang siya.

Para akong bata na nagmamaktol, hindi kasi matigil ang pagkibot ng labi ko. Gusto kong ilabas ang lahat ng inis ko, pero nakakapagod na. Paulit-ulit na lang kasi. Ni kunti naman, hindi nababawasan ang bigat na pasan ko sa balikat ko, kahit magwala pa ako.

Isa din talaga si Tonyo sa bwesit sa buhay ko. Pala desisyon din. Pinapunta pa rito si Opaw, hindi naman siya inutusan.

Ano na ang gagawin ko ngayon? Baka makasal nga ako ng wala sa oras, kapag hindi ko inamin ang totoo sa mga magulang ni Fred.

"Gwin ..." awtomatikong nahin