Kabanata 48

Hindi na ako nagkaroon ng pagkakataon na magtanong kay Tonyo. Kaagad na kasi nitong sinara ang pinto.

Napatayo ako. Nag-iisip kung sino ang magsusundo sa Anak ko. Si Gwin ba o si Patrick?

Alam ko naman kasi na ayaw lumabas ni Gwin ng mansyon. Takot siya na may makakita sa kanya na kakilala. Takot din siya na malaman ng ibang tao na may Anak kami.

Hindi ko rin maintindihan ang babaing 'yon minsan. Dapat ako 'yong umaakto ng gano'n kasi pagnalaman ng iba na may Anak na ako. Hindi na ako makaporma sa iba.

Ang problema naman kasi kanya, mas binibigyan niya ng importansya ang sasabihin ng ibang tao. Hindi ko naman maaalis 'yon sa kanya. Pero kasi, handa naman akong itama ang pagkakamaling nagawa namin. Pero ayaw niya akong hayaan. Ang arte, ang OA, pero gusto ko nga siya. Kaya kahit maarte at praning siya, hindi ko na siya aatrasan.

"Papa Fred ..." Kaagad akong napatayo nang tawagin ako ng Anak ko.

Lumapit ako sa couch kung saan siya nakahiga. "Anak, do you need anything?" tanong ko.