Kabanata 54

Bumilog ang mga mata ni Gwin nang maglapat ang mga labi namin. Hindi niya tinugon ang halik ko pero ang sarap pa rin lalo't hinayaan niya lang ako. Hindi ko alam kung dahil sa gulat o dahil nagustuhan niya ang halik ko.

"Sir—" Biglang sulpot ni Nana Puring na kaagad tumalikod nang makita kami.

Kaagad naman akong tinulak ni Gwin, natatarantang lumayo sa akin, at wala sa isip naglakad kung saan. Hindi ko mapigil ang tumawa.

"Gwin, saan ka pupunta?" Nagtatakang tanong ni Nana Puring.

"Sa kwarto po, matutulog," balisa niyang tugon.

"Ah, matutulog ... sa C.R?" natatawa kong sabi.

Nag-angat siya ng tingin. Kagat ko ang labi at hindi siya nilubayan ng tingin. Nanunukso naman ang ngiti ni Nana Puring.

Natiim niya ang labi at muling yumuko. Namula ang mukha. Hindi ko naman maawat ang tumawa.

"Sus, Gwin 'wag ka nang mahiya. Wala naman akong nakita—"

"Talaga po?" bigla tanong nito sa matanda.

Paulit-ulit na tumango si Nana Puring. Pero pigil ang pagngiti. Napapapikit pa at napatiim labi.

"A