Kabanata 58

"Mommy..." Sumulyap sa akin sa Fred.

Naiilang at tipid na ngumiti si Gwin, saka nagyuko ng ulo. Natiim niya rin ang labi.

"Ah, Widmark, tapos ka na bang kumain?" Tumayo si Tonyo. Na sa akin na rin ang tingin niya at bahagyang ngumiti.

Alam niya kaagad na seryoso ang topic na binuksan ni Mommy, at hindi maaring marinig nila. Lalong hindi pwedeng marinig ni Widmark.

"Yes po, Uncle Tonyo." Matamis na ngumiti si Widmark, sabay inum ng tubig at nagpunas ng labi.

"Sige, wash your hands na at maglalaro tayo sa labas."

Kaagad namang tumayo si Widmark at patakbong nagtungo si sink at kaagad naghugas ng kamay.

"Tara na muna sa kusina," sabi naman ni Nana Puring sa mga kasama na kaagad namang sumunod sa kanya.

Tumayo na rin si Patrick, pero sandaling sumulyap kay Gwin, na hindi na magawang mag-angat ng ulo.

Naging awkward na tuloy sa amin ang sitwasyon. Ewan ko ba rito sa mga magulang ko. Talagang sinabay pa sa hapunan ang topic na 'to. Imbes na ganado akong kumain, nawala tuloy ang gana ko