Kabanata 60

GWIN POV

Napapikit si Fred at mapait na ngumiti. "Oo nga naman, hindi mo nga pala ako mahal." Nahagod niya ang buhok niya, bumuga ng hangin at sandaling yumuko. "Ang sabi mo noon, nakakatakot akong mahalin pero ang totoo, ikaw 'yong nakakatakot mahalin, ang sakit mahalin, at nakakapagod mahalin, Gwin."

Humakbang siya palayo mula sa akin matapos sabihin 'yon. Alam ko naman na masyado na siyang nasasaktan sa mga sinasabi ko, sa mga pagpapakipot ko. Kaya lang, kung magpapadala kaagad ako mga paglalambing niya, panunuyo niya, baka sa huli ako lang din ang masasaktan at muling mahirapan.

Grabe na ang sakit na dinanas ko noon dahil nga sa nangyari sa amin at ayokong maranasan ulit 'yon. Ayong sumugal kung hindi man lang ako sigurado kung totoo nga niya akong mahal.

Mapakla akong tumawa na kaagad nagpahinto sa paghakbang niya at muli akong hinarap. Bakas ang lungkot sa mga mata niya. Wala na rin ang matamis na ngiti.

"Ang bilis mo na naman palang sumuko, Fred. Hindi ka pa nga umabot ng isa