Kabanata 51

FRED POV

Wala akong ka imik-imik habang sakay ng kotse pauwi sa bahay. Pero pansin ko ang tuwinang pagsulyap sa akin ni Tonyo, mula sa rare-view mirror.

Alam kong gusto niyang alamin kung ano ang nangyari kanina. Pero walang lakas ng loob na magtanong dahil alam niyang magagalit lang ako lalo.

Nakarating kami sa mansyon na walang nangyaring usapan. Hindi ko na nga nagawang magtanong sa kung ano ang nangyari sa site visit nila kanina. Si Gwin kasi ang inaalala ko. Ang nararamdaman niya. Sobrang inis ko nga sa nangyari kanina, siya pa kaya.

Naging usad pagong lakad ko nang datnan ko ang buong pamilya sa living room. Masayang nag-uusap.

"Magandang gabi po," bati ko sa lahat pero kay Gwin napako ang paningin ko.

"Papa Fred." Kaagad tumayo ang Anak ko at binigyan ako ng mahigpit na yakap at malutong na halik.

Kaagad din siyang bumalik sa pagkakaupo sa pagitan ng Mama niya at ng pinsan ko na hindi maalis ang tingin sa akin. Lalo na ang mga magulang ko. Naningkit pa ang mga mata nila.