Kabanata 49

Ngayon lang ako nanigas ng ganito. Nagkagulo ang utak ko nang dumiin pa lalo ang mukha at katawan ni Gwin sa akin. Sigurado akong rinig na rinig niya ang mga kabayong nagsitalon sa loob ng dibdib ko.

Akmang ilalayo ko siya pero hinawakan niya ang suit ko. Tingin ko nga, gusto na rin niyang sumuot sa loob ng suit ko.

"S-sorry ... Sir Fred," utal na paghingi ng paumanhin ni Jessa.

" 'Wag kang lumayo ..." bulong niya. Kapit na kapit pa rin sa suit ko.

Akmang lalayo na naman kasi sana ako. Kahit kasi gusto ko naman itong ginagawa sa akin ni Gwin. Bawal naman 'to. Inappropriate tingnan. Ako bilang boss, nahuli na may kalandiang babae sa loob ng opisina at may kasama pang bata.

Nilingon ko si Jessa. Para pang nanigas ang leeg ko at hirap akong lumingon. Nagsenyas ako na ilagay sa table ang pagkain.

Kaagad namang sumunod si Jessa. Kasunod ko namang tinuro si Widmark na ngising-ngising habang nakatingin sa amin ng Mama niya.

Nagsenyas ako na lumabas sila at dalhin muna si Widmark. Tumango-t