Kabanata 42

"Widmark ..." Nasapo ko ang noo ko.

Hindi ko pala katabi ang anak ko. Kaagad na kasi akong lumabas sa kwarto ni Fred, kagabi matapos ko siyang hampasin ng unan. Loko-loko siya. Akala niya, payag akong tumabi sa kanya. Asa siya.

Matamlay akong lumabas ng kwarto. Nag-message na kasi si Tonyo na parating na sila Opaw.

Mabuti na lang at maagang umalis si Fred. Kinatok nga niya kasi ako kanina bago umalis. Kung saan man siya nagpunta. Hindi ko alam at wala akong balak malaman.

Gano'n din ang mga amo ko, nagpaalam din na ipapasyal nila si Widmark, gusto nga sana nila akong isama, pero tumanggi ako, sinabi kong pagod at antok pa ako. Mabuti naman at hindi na nila ako pinilit.

Pero ang totoo, talagang naiilang ako na makasama ang mga amo ko. Bukod do'n, takot din akong malaman ng ibang tao na anak namin ni Fred si Widmark.

Matamis na ngiti ang bumungad sa akin nang marating ko ang living room. Kararating lang din kasi nila Opaw at Tonyo.

"Opaw, maraming salamat, pasensya na talaga, at pati