Kabanata 75

"Kumusta ka na Fred?" Sandali akong napatitig sa babaeng kaharap. Ang amo ng mukha at may matamis na ngiti.

"Hindi ka pa rin nagbago, ang guwapo ko pa rin—"

"Wala akong panahon na makipagkumustahan o makipagplastikan sa'yo! Ang tanong ko ang sagutin mo!"

Kahit pasikmat ang pagsasalita ko, hindi pa rin nawala ang ngiti niya. Panakanaka rin niyang sinusulyapan si Gwin, na alam kong nasasaktan habang nakatingin ang babaeng iniisip niya na karibal pa rin niya sa pagmamahal ko.

"Bawal ka na ba ngayong makita, makumusta at makausap?"

Malumanay ang pagsasalita niya, pati nga ang postura at kilos niya ay nagbago rin. Naging pino at mahinhin. Malayong-malayo sa dating Mitch na kilala at minahal ko.

Pero kahit anong laki ng ipinagbago niya, kahit maging santa pa siya sa pangin ng iba. Ang tingin ko sa kanya, hindi pa rin nagbabago. Siya pa rin ang dating Mitch na walang hiyang nagpaikot at gumago at ginawa akong tanga ng paulit-ulit.

Ang babaeng kati lang sa katawan ang iniisip. Babaeng hindi